Sjóðfélagalán

Sótt er um lán hjá Birtu lífeyrissjóði með því að skila rafrænni umsókn undir rafrænar umsóknir á birta.is. Í kjölfarið er umsækjanda beint í rafrænt greiðslumat sem sér um gagnaöflun að mestu leyti. Athugið að allir þinglýstir eigendur þurfa að fara í greiðslumat.

Umsókn með rafrænum skilríkjum er örugg og skilvirk leið sem við mælum eindregið með að sé notuð.

Sjóðurinn áskilur sér rétt til að krefjast annarra gagna eftir því sem þurfa þykir.

Veðsetningarhlutfall er að hámarki 65% nema ef um fyrstu kaup er að ræða, en þá er það 75%. Einnig þarf lán að vera innan við 90% af samanlögðu brunabóta- og lóðarmati nema ef um lán vegna fyrstu kaupa er að ræða og veðsetningu yfir 65% en þá er hámarkið 100%.

Seðlabankinn setti reglur sem tóku gildi 1. des 2021. Þær fela í sér að greiðslubyrði fasteignalána má að hámarki vera 35% af ráðstöfunartekjum nema ef um fyrstu kaup er að ræða, þá má hún fara í 40% að hámarki.

Lánstími getur verið á bilinu 5-40 ár. Gjalddagar eru 12 á ári, 1. hvers mánaðar.

• Hámarkslán hjá Birtu eru 85 milljónir kr. fyrir hjón/maka/sambúðaraðila en tekur jafnframt mið að veðrými.
• Lágmarkslán er 1 milljón.

Alla jafna er lánað út á þá eign sem fólk býr í. Hins vegar er hægt að fá lán á aðra fasteign eða fleiri en eina fasteign. Þó er ekki lánað til atvinnureksturs og því ekki tekið mið af leigutekjum í greiðslumati.

Já. En lánsfjárhæð á undan, á veðrétti frá öðrum fjármálastofnunum má ekki fara yfir 20% af fasteignamati eða kaupverði, þó að hámarki 30 milljónir. Samanlögð lán frá öðrum lánveitendum og Birtu lífeyrissjóð má ekki fara yfir 65% af fasteignamati ef um endurfjármögnun er að ræða en kaupverði ef um fasteignakaup er að ræða.

Afgreiðslutími getur verið breytilegur, nú um 2- 4 vikur að viðbættum þinglýsing hjá Sýslumanni. Þinglýsingartími hjá Sýslumanni er nú um 2 vikur.

Þegar skuldabréf berst sjóðnum úr þinglýsingu er það skráð í verðbréfakerfi sjóðsins og kaupnóta útbúin. Það er alla jafna greitt út næsta virka dag.

Nei. Sjóðurinn veitir ekki lán tengd erlendum gjaldmiðlum og tekur því ekki mið af erlendum tekjum í greiðslumati. Hins vegar, ef þú ert einnig með launatekjur í íslenskum krónum, getur greiðslumat grundvallast á þeim tekjum, til samræmis við gjaldmiðil lánsins. Umsækjandi verður að hafa lögheimili á Íslandi.

Já. Það er gert með skipun í heimabanka (ef netbanki hjá Íslandsbanka) en að öðrum kosti með millifærslu inn á reikning 526-22-1, kt. 421289-2639 (Íslandsbanki sem er innheimtuaðili) og lánsnúmer haft í tilvísun. Lán með breytilega vexti eru ekki með uppgreiðslugjald en skoða þarf sérstaklega hvort uppgreiðslugjald sé á lánum sem bera fasta vexti.