Engar breytingar verða gerðar á lánveitingum Birtu lífeyrissjóðs á lánum með breytilegum vöxtum í kjölfardóms Hæstaréttar í máli nr. 55/2024 gegn Íslandsbanka.

Lánaskilmálar sjóðsins á lánum með breytilegum vöxtum eru umtalsvert frábrugðnir lánaskilmálum Íslandsbanka sem tekist var á um í málinu og það er mat stjórnar eftir skoðun að gera engar breytingar á lánveitingunum að svo komnu máli.

Sjóðurinn mun áfram fylgjast grannt með niðurstöðum í öðrum vaxtamálum gegn viðskiptabönkunum og mun að sjálfsögðu taka tillit til þeirrar niðurstöðu sem kann að verða í þeim málum með hliðsjón af lánaskilmálum sjóðsins.