Stjórn Birtu lífeyrissjóðs hefur ákveðið að lækka hámarksveðsetningu nýrra lána frá og með næstu mánaðarmótum. Þá lækka einnig breytilegir vextir á sjóðfélagalánum.
Eftirtaldar breytingar taka gildi frá og með 1. júlí 2017:

• Hámarksveðsetning verður 65%. 
• Breytilegir vextir á verðtryggðum lánum lækka úr 3,34% í 3,15%. 
  Breytilegir vextir á verðtryggðum lánum taka breytingum á 3 mánaða fresti, þ.e. 1. hvers mánaðar í upphafi hvers ársfjórðungs, og eru 0,70 prósentustigum hærri en meðalávöxtun undangengins almanaksmánaðar á nýjasta flokki íbúðabréfa til 30 ára (HFF150644) skráð í Kauphöll Nasdaq OMX, nema stjórn ákveði annað. 
• Fastir vextir verða óbreyttir 3,6%. 
  Stjórn sjóðsins tekur ákvörðun um fasta verðtryggða vexti.
• Breytilegir vextir á óverðtryggðum lánum lækka úr 5,85% í 5,6%. 
  Vextir á óverðtryggðum lánum verða framvegis endurskoðaðir til breytinga til samræmis við vaxtaákvarðanir Peningastefnunefndar Seðlabanka Íslands.