Uppgjör Birtu lífeyrissjóðs vegna ársins 2025 liggur fyrir og gekk árið vel.

Hrein eign til greiðslu lífeyris

Hrein eign samtryggingardeildar til greiðslu lífeyris nam 707.878 millj. kr. í árslok samanborið við 669.235 millj. kr. árið áður.

Hrein eign séreignardeildar nam 24.256 millj. kr. samanborið við 22.952 millj. kr. árið áður.

Hrein eign tilgreindrar séreignardeildar nam 4.520 millj. kr. í árslok samanborið við 3.920 millj. kr. árið áður.

Samanlagðar eignir samtryggingardeildar, séreignardeildar og tilgreindrar séreignardeildar námu því 736.653 millj. kr. í árslok 2025 en 696.108 millj. kr. í árslok 2024.

Fjöldi sjóðfélaga og lífeyrisþega

Virkir sjóðfélagar hjá Birtu árið 2025 voru 20.750. Á árinu 2025 nutu 19.599 lífeyrisþegar að meðaltali lífeyrisgreiðslna úr samtryggingardeild að fjárhæð 24.703 millj. kr. Lífeyrisþegum fjölgaði um 4,4% á árinu. Lífeyrisgreiðslur séreignardeildar námu 1.100 millj. kr. og lífeyrisgreiðslur tilgreindrar séreignardeildar námu 230 millj. kr. á árinu.

Ávöxtun

Nafnávöxtun sjóðsins á árinu 2025 var 5,89% sem samsvarar 2,11% raunávöxtun samanborið við 6,29% raunávöxtun á árinu 2024. Meðalraunávöxtun samtryggingardeildar síðustu 5 ára er 1,74% og síðustu 10 ára 3,37%.

Helstu tölur úr starfseminni:

• Hrein eign til greiðslu lífeyris: 737 milljarðar kr.
• Greidd iðgjöld: 25,7 milljarðar kr.
• Greiddur lífeyrir: 26,2 milljarðar kr.
• Tryggingafræðileg úttekt sýnir að heildarskuldbindingar sjóðsins voru 6,04% umfram heildareignir.
• Hrein eign séreignadeildar var 24,3 milljarðar kr.
• Hrein eign tilgreindrar séreignar voru 4,5 milljarðar kr.
• Rekstrarkostnaður í hlutfalli af meðalstöðu eigna er 0,15%

Hér má finna auglýsingu um starfsemi sjóðsins

Ársfundur Birtu lífeyrissjóðs verður haldinn fimmtudaginn 16. apríl kl. 17:00.