26.01.2018

Unnt að sækja rafrænt um eftirlaun hjá Birtu

Sjóðfélagar geta nú sótt RAFRÆNT um eftirlaunalífeyri hjá Birtu lífeyrissjóði. Þessi nýjung í þjónustu Birtu einfaldar og auðveldar samskipti sjóðfélaga við sjóðinn og gerir starfsemina enn skilvirkari.

Sjóðfélagar skrá sig inn í Mín Birta með rafrænum skilríkjum og sækja þar um eftirlaunalífeyri.

Birta lífeyrissjóður fjölgar jafnt og þétt möguleikum til rafrænna umsókna og samskipta. Hingað til hefur verið mögulegt að sækja rafrænt um útborgun séreignarsparnaðar, semja um séreignarsparnað eða breyta samningi um séreignarsparnað. Þá er og hægt að senda rafrænt beiðni um nýtingu persónuafsláttar og tilkynningu um tilgreinda séreign.

Og nú bætist sem sagt umsókn um eftirlaunalífeyri við þetta rafræna ferli á vef Birtu lífeyrissjóðs.